Euze ierste demo CD oet 2000 waor vrijwel metein opgepik door L1 radio en kraog airplay via Plat Eweg. De CD had drei rap leedsjes in 't Mestreechs dialèk. Dat waor toen nog noets ieder gedoon, rap in 't dialèk. 't leedsje "Respèk veur de Buurt" is zèlfs in de Limbo Top 10 gekoume op nómmer 5. Op 'n gegeve momint woorte veer dao euver geïnterviewd live op L1 radio. De reporter heet us zèlfs live geïnterviewd in De Heeg (boe de haave band vaandan kump) en veer höbbe toen in dat interview Johnny Blenco es invloed geneump. Johnny is toen live in de oetzending gebèld door L1. Veer zien toen massaal Hi ha happening goon zinge en iech geluif tot veer dat toen al verbasterd höbbe tot Hi ha Reppening. Dao oet is 't idee oontstaonde um dao 'n leedsje vaan te make. L1 is dit goon pushen en heet toen geregeld tot veer same mèt Johnny op de Zoepkoel (Boetegewoene Boetezitting) kóste optreie. Oeteindelik is in 2004 't leedsje gesjreve en opgenoume in de Brand X Studio vaan Kevin vaan Zoeper. Johnny heet ouch nog euze cd prizzentatie vaan 't album "Original Sjengstas" ('n verbastering vaan rapper Ice T's Original Gangster en boe Hi ha Reppening opstoond) geprizzenteerd en heet mèt us Hi ha Reppening gezoonge (Bef/ Pikkatrillaz/ SHC).

Klik hier voor meer info over de Pikkaktrillaz